從小父母都教導我待人接物要有禮貌，出外見人更要顯得有家教才行。 其中一項要注意嘅禮貌係「乘坐朋友駕車時，千祈唔好當人係司機呀！」

意思即係盡量唔好一個人咁坐咗後座，尤其如果只得你和朋友兩個人坐車。又或者若果前座乘客落車後，後面嘅乘客應該識做地自行走上坐喺駕駛者旁！如果唔係就好似當咗你朋友係司機喇！

不過我發覺唔係好多人有呢個概念嘅，好多時搭我車的人往往爭住坐後座先，即使前面落咗車，偶然都有人會提議其中一人坐上來，但好多時都冇人會咁做！！

不過好彩，我好多時都係揸架兩座位嘅車... 免卻呢啲「煩腦」！hahah! 

而且我亦好少會強迫任何人咁做嘅，因為我認為呢啲係心出嘅，是自己待人接物嘅基本禮貌呢！況且每個人嘅價值觀和家教都唔同，不能期望太高！